Ku wa 28 Gashyantare 2026, mu Kagari ka Bugarama, Akarere ka Kamonyi, habereye umuganda rusange usoza ukwezi. Abaturage n’abayobozi bitabiriye ibikorwa byo gusana umuhanda Kayenzi–Matengu, basiba ibinogo, basibura imiferege ndetse hanategurwa ahazashyirwa amateme. Uyu muganda wasojwe ku rwego rwo hejuru, aho Guverineri w’Intara y’Amajyepfo, Kayitesi Alice, yifatanyije n’abaturage mu bikorwa bigamije guteza imbere imiyoborere myiza n’iterambere ry’akarere.

Mu karere ka Huye, umuganda rusange wo gusoza Gashyantare nawo wabereye mu midugudu hakurikijwe gahunda yateguwe. Nshimiyimana Vedaste, Umunyamabanga Nshingwabikorwa w’Intara y’Amajyepfo, yifatanyije n’abaturage bo mu Murenge wa Mbazi, Akagari ka Rugango, aho hatunganyijwe umuhanda uhuza Mbazi na Huye kugira ngo urusheho kuba nyabagendwa no korohereza abaturage mu buzima bwa buri munsi.

Nyuma y’umuganda, ku bufatanye na Minisiteri y’Ubutegetsi bw’Igihugu, hahembwe bamwe mu bayobozi ndetse n’abaturage bagaragaje udushya mu gukemura ibibazo by’abaturage. Ibi bikorwa bigamije kwimakaza umuco wo kwigira no kwishakamo ibisubizo, hagamijwe iterambere rirambye ry’igihugu.

Nyuma y’umuganda, ku bufatanye na Minisiteri y’Ubutegetsi bw’Igihugu, hahembwe bamwe mu bayobozi ndetse n’abaturage bagaragaje udushya mu gukemura ibibazo by’abaturage. Ibi bikorwa bigamije kwimakaza umuco wo kwigira no kwishakamo ibisubizo, hagamijwe iterambere rirambye ry’igihugu.