Mu Ntara y'Amajyepfo habereye  Umwiherero w'Abayobozi w'iminsi ibiri kuva ku wa 30 kugeza 31 Kanama, 2023,  uyu Mwiherero wabereye  mu karere ka Huye ,i Sovu, witabiriwe n'Abayobozi b’Inama Njyanama z’Uturere, Abayobozi b’Uturere, Umuyobozi Mukuru wa LODA, Abayobozi b’Uturere bungirije, Ag,PES w’Intara, Umuyobozi uhagarariye World Vision, Umuyobozi Mukuru waturutse muri MINALOC n'abanyamabanga Nshingwabikorwa b’Uturere ndetse na ba Perezida ba JADF. Wafunguwe kumugaragaro na Guverineri KAYITESI Alice.

 Mu ijambo rifungura uyu mwiherero, Guverineri yashimiye abitabiriye umwiherero akomeza atangaza  ko uyu mwiherero ugamije kuganira by’umwihariko kuri gahunda yo gukura abaturage mu bukene.

Agira ati “Gahunda nshya yo gukura abaturage mu bukene ni uguhuza ubushobozi busanzwe buhari tukamuherekeza kugeza asohotse. Hari gahunda zari zisanzwe nka VUP ugasanga umuturage ayimazemo imyaka 10 atavuye mu bukene. Turateganya kubabumbira mu matsinda buri wese agasobanurirwa uruhare rwe mu kwikura mu bukene.” akomeza agira ati" Uyu mwiherero wacu uje mu gihe gikwiriye kuko uje mu gihe turi mu ntango z’umwaka mushya w’ingengo y’imari 2023-2024, tukaba tukiri mu gihe cyo gutunganya neza igenamigambi ryacu kandi Ibipimo bigaragaza ubukungu byinshi byari bihagaze neza ariko turifuza ko birushaho kuzamuka ntibisubire inyuma. "

Yasoje ashimira ubufatanye bwabaranze mu mwaka ushize mu gukorera abaturage. Muri uyu mwiherero Hatanzwe ibiganiro bitandukanye ku iterambere ry'Umuturagege

Uyu mwiherero w’iminsi ibiri waganiriwemo ingingo z’ingenzi enye arizo, kwesa imihigo y’uturere, gukura abaturage mu bukene, isuku n’isukura ndetse no gucyemura ibibazo by’abaturage umuturage ntajye yirirwa asiragira.

Mayors bari bahari