Kuri uyu wa 07 Mata 2024, Umunyamabanga Nshingwabikorwa w’Agateganyo w’Intara y’Amajyepfo Bwana Alfred BIKOMO, abagize Inama y’Umutekano Itaguye y’Intara, abahagarariye Amadini n’Amatore n’abandi Bayobozi mu Nzego zitandukanye bifatanyije n’abaturage b’Umurenge wa Musange Akarere Ka Nyamagabe , kwibuka ku nshuro ya 30 Jenoside yakorewe Abatutsi mu 1994 no gutangiza Icyumweru cy’Icyunamo ku rwego rw’Intara y’Amajyepfo.

Mu mugezi wa Mwogo ahajugunywe abatutsi

Muri uyu muhango, hashyizwe indabo mu mugezi wa Mwogo no ku Rwibutso rwa Jenoside rwa Jenoside rwa Musange, mu rwego rwo kunamira abazize Jenoside yakorewe Abatutsi mu 1994 bajugunywe muri uyu mugezi n'abaruhukiye muri uru Rwibutso rwa Jenoside basaga ibihumbi 26.

Nyuma yo kwifatanya n'abaturage b'Umurenge wa Musange mu muhango wo gutangiza ku rwego rw'Intara n’Akarere, kwibuka ku nshuro ya 30 Jenoside yakorewe Abatutsi mu 1994, aba Bayobozi bifatanyije n'abaturage b'Umurenge wa Gasaka, mu muhango wo gucana Urumuri rw'Icyizere ku Rwibutso rwa Jenoside rwa Murambi, rumwe muri 4 zo mu Rwanda zinjijwe mu Murage w'Isi.

Ku Rwibutso rwa Jenoside rwa Murambi, habayeho kandi igikorwa cyo kunamira imibiri y’Abatutsi bazize Jenoside yakorewe Abatutsi basaga ibihumbi 50 baruruhukiyemo.