ku wa 6 ugushyingo 2023, Mu Karere ka muhanga habereye  inama nyunguranabitekerezo y'Abafatanyabikorwa mu Iterambere (JADF) ku rwego rw'Intara y’amajyepfo. Iyi nama yari iyobowe na Guverineri Alice Kayitesi n’umukuru w’Urwego rw’Igihugu rw’Imiyoborere Dr. Usta KAYITESI.

Bwana AFRIKA Alexis, Umuyobozi w’agateganyo w’Ishami rishinzwe Serivisi, Imiyoborere Myiza na JADF muri RGB yeretse abitabiriye iyi nama ishusho y’ibikorwa bimaze kugerwaho binyuze mu bafatanyabikorwa mu rwego rwo guteza imbere imibereho myiza y’abaturage mu Ntara.

Bwana MULINDWA Anatole, Umushakashatsi muri RGB yagejeje  ku bayobozi b’inzego zibanze mu ntara y’amajyepfo n’abagize JADF ibyavuye mu mushakashatsi bugaragaza Ishusho y'uko abaturage babona imiyoborere n'imitangire ya Serivisi mu Nzego zibegereye muri iyi ntara.

Iyi nama yaranzwe no kuganira kuri gahunda za leta ifatanyamo n'abafatanyabikorwa zirimo ubuzima, imibereho myiza, umutekano, ubukungu ndetse n'ubutabera, barebera hamwe aho bahagaze ndetse n'uko hashyirwa imbaraga ahari icyuho.