Ku wa 24 Kamena 2026, ku biro by’Intara y’Amajyepfo habereye inama y’umutekano yaguye y’igihembwe cya kane cya 2025–2026, igamije gusuzuma uko umutekano wagenze mu mezi atatu ashize, isuku mu duce dutandukanye, n’uko ibibazo bibangamiye imibereho y’abaturage bikemurwa.

Iyi nama yitabiriwe n’abagize Inama y’Umutekano y’Intara, abayobozi b’uturere tugize Intara, ndetse n’abahagarariye inzego z’umutekano mu byiciro bitandukanye mu turere.

Guverineri w’Intara y’Amajyepfo ni we wayoboye inama, asaba inzego zose gukomeza ubufatanye mu gukumira ibyaha, guteza imbere isuku n’imibereho myiza y’abaturage, no gushyira imbaraga mu gukemura ibibazo byugarije abaturage hakiri kare.

Abitabiriye bagarutse ku ngamba nshya zigamije kurushaho gukaza umutekano, gukangurira abaturage kugira uruhare mu isuku n’isukura ry’aho batuye, no gukomeza ubufatanye hagati y’inzego z’ubuyobozi n’iz’umutekano.

Inama yasojwe hasabwa ko buri rwego rukomeza gukorera hamwe mu gukemura ibibazo by’abaturage, no gushyira imbere ibikorwa by’iterambere n’isuku nk’inkingi y’umutekano n’imibereho myiza.