Ku wa 25 Mutarama 2025, mu karere ka Huye habereye imikino isoza shampiona y'abakozi. Iyi mikino yateguwe na Rwanda Association of Workers Practicing Sports, ifatanyije na Ministeri y'abakozi ba Leta n'umurimo ndetse na Ministeri ya Sport. Umuhango witabiriwe n'abayobozi batandukanye barimo umunyamabanga wa Leta muri Ministeri ya Sport, Ngarambe Rwego, umunyamabanga nshingwabikorwa w'intara Védaste NSHIMIYIMANA , n'ubuyobozi bw'akarere n'abandi.

Ikigo RBC cyegukanye ibikombe bitatu mu irushanwa ry’abakozi ryasojwe kuri uyu wa gatandatu mu karere ka  Huye.

Mu mikino yabaye, muri Volleyball, RWANDAIR yatsinzwe na  NISR ku maseti  1-3. Muri Basketball, IMMIGRATION yatsinzwe na RWANDAIR ku manota 72-77. Mu mupira w'amaguru, RWANDAIR yatsinzwe na RBC ku bitego  1-2, naho RBC itsinda MoD ku maseti 3-0 muri Volleyball. RBC yatsinze REG ku manota 60-52. RTDA yatsinze MINISPORTS ku manota 46-21 muri Basketball naho mu mupira w'amaguru, BRD yatsinzwe na MINECOFIN ibitego  1-2.

Umuhango wo gutanga ibihembo wayobowe n'umunyambanga wa Leta muri MINISIPORO ari kumwe na PS MIFOTRA n’umunyamabanga nshingwabikorwa w’intara Védaste NSHIMIYIMANA.   Mu butumwa yahaye  abakozi bitabiriye irushanwa, yashimiye uruhare rwabo mu gukorera hamwe no gushimangira ko siporo ari ingenzi ku bakozi kuko ituma bagira ubuzima bwiza, bagatanga umusaruro mu kazi.