Ku wa 09 Mutarama 2024, ikigo cy’igihugu cy’Ibarurishamibare  cyagaragarije ubuyobozi bw’Intara y'amajyepfo, Ubuyobozi bw’Uturere n'abandi bafatanyabikorwa batandukanye ibyavuye mu Ibarura Rusange rya 5 ry'Abaturage n'Imiturire mu Rwanda, hibandwa by'umwihariko ku bireba iyi Ntara.

Guverineri afungura iyi nama yashimiye abaturage n'abakozi b'ikigo cy'ibarurishamibare mu Rwanda  ku kazi keza no gufatanya bagaragaje muri iri barura. Yakomeje agira ati" Uyu ni umwanya mwiza wo kumenya amafasi yacu mu mibare kugira ngo tubashe guteganya ibikorwa bihindura ubuzima bw’abaturage bishingiye aha kuri iri barura. Iyi mibare  twagaragarijwe mu buryo burambuye iradufasha gusobanukirwa imiterere y’abaturage bacu mu mibare, biduhe guteganya neza gukemura ibibazo byabo dushingiye ku kuri nyako" 

inama yasoje abayitabiriye bungurana ibitekerezo, barebera hamwe uko hashyirwa imbaraga ahari icyuho ndetse n'uko hasigasirwa ibyagezweho.