Ku wa  04 Mata 2024, mu karere ka Nyanza hateraniye inama yateguwe ku bufatanye bw'Intara, ikigo cy’igihugu gishinzwe ubuzima (RBC) na  ASOFERWA umuryango ukorana n’ibyiciro by’abaturage bigoye kugerwaho bifite ibyago byo kwandura Malaria. Iyi nama yari igamije kuganira uko indwara ya Malaria ihagaze mu Ntara y'Amajyepfo, kurebera hamwe ibimaze gukorwa mu kuyikumira, n'icyakorwa ngo icike cyane cyane mu byiciro by'abaturage yibasira cyane.

 Atangiza inama, Guverineri KAYITESI Alice yavuze ko kurwanya Malariya bisaba ubufatanye bw'inzego zose asaba abitabiriye iyi nama n'abayobozi mu nzego zitandukanye kwegera abaturage bakabazamurira imyumvire nabo bakagira uruhare mu kurwanya no kwirinda malaria.

Iyi nama yitabiriwe n'Abayobozi  ba JADF mu Turere,  Abayobozi b'Ibitaro by'Uturere, Abayobozi b'ishami rishinzwe Ubuzima mu Turere, abayobozi b'uturere bungirije bashinzwe imibereho myiza, n'abandi bahagarariye ibyiciro bitandukanye.

abitabiriye inama harimo n'abayobozi b'ibitaro ndetse n'abakozi b'uturere 

umuyobozi muri  ASOFERWA asobanura uko Malaria ihagaze