Muri sale y'inama y'ibiro by'intara y'Amajyepfo Guverineri Alice Kayitesi ari kumwe n’umuyobozi w’urwego rw'Igihugu Rushinzwe iby'isanzure mu Rwanda( Rwanda Space Agency)  bayoboye inama uyu munsi yabahuje n’abayobozi b’Uturere, abanyeshuri, abarimu, aba agronomes, n’abandi bantu bose bakenera serivise zituruka ku ikoranabuhanga rishingiye ku isanzure (space technologies). aho rwabasobanuriye  imikorere n'imikoranire yarwo.

.

Guverineri mu ijambo rifungura inama ,yabanje gushimira abitabiriye inama akomeza agaragaza ko Intara  ndetse n’igihugu muri rusange bifite intego yo gukoresha ikoranabuhanga mu kwihutisha iterambere. Guverineri yakomeje agira ati: “twabatumije mwese ngo twumvire hamwe icyo urwego rushya nk’uru rw’isanzure rushobora kutugezaho, Twishimiye rero kwakira aba bashyitsi ndetse no kumva uko ikoranabuhanga rishingiye ku isanzure rizadufasha kwihutisha iterambere mu ntara yacu”. Yakomeje agira ati “Nk’uko tubizi, iguhugu cyacu cyashyizeho uru rwego rukaba rwitezweho byinshi mu kwihutisha iterambere, Aya ni amahirwe yo kugirango twumve icyo isanzure aricyo, ibyagezweho, icyerekezo ndetse n’uruhare twitezweho nk’abafatanyabikorwa mu rwego rw’isanzure (Space Sector)”

 inama yaranzwe no kugaragaza uko  ikoranabuhanga rishobora kwifashimwa muri byinshi harimo Itumanaho (satellite communications),Amashusho aturuka ku byogajuru yifashishwa mu nzego zitandukanye (Earth Observation) ndetse no Kuyobora abantu n’ibintu (Navigation)