Ku wa 13 Gashyantare 2024,Guverineri w’intara y’amajyepfo KAYITESI Alice Yakiriye itsinda ry'abasirikare biga mu ishuri rikuru rya gisirikare rya Nyakinama mu rwego rw'ingendo bakora basoza amasomo yabo.  baganiriye ku rwego rw'ingufu zitanga amashanyarazi muri iyi Ntara.

Guverineri KAYITESI Alice mu ijambo rye yashimiye ubufatanye ishuri rikuru ryagisirikare rya Nyakinama rikomeje kugirana n’intara y’amajyepfo.Yakomeje abasobanurira Imikorere n’uko intara y’amajyepfo iteye.

Nyuma yaho, umunyamabanga nshingwa bikorwa w’intara Bikomo Alfred  Afatanyije n’umuyobozi mu kigo gishinzwe gukwirakwiza ingufu z'amashanyarazi Basobanuriye aba basirikare imishinga y’ingufu z'amashanyarazi itandukanye yakozwe ndetse n’iri gukorwa, banasobanura  uburyo bukoreshwa kugira ngo iyo mishinga ibe ifite umutekano.

Nyuma habayeho umwanya wo kuganira ndetse no guhana ibitekerezo. Brig. General  NGENDAHIMANA Jean Chrisostome wari uyoboye iryo tsinda yashimiye ubuyobozi bw’intara bahana impano.