1. Gutangizwa kw’Amahugurwa 
Ku wa 07 Gicurasi 2026, Umunyamabanga Nshingwabikorwa w’Intara y’Amajyepfo, Védaste Nshimiyimana, yatangije amahugurwa y’umunsi umwe yibanda ku sisitemu y’ikoranabuhanga ya Mbaza. Aya mahugurwa yateguriwe abakozi b’Akarere n’Intara bashinzwe imiyoborere ndetse n’abafite inshingano zo kwakira no gukemura ibibazo by’abaturage.

2. Intego y’Ikoranabuhanga rya Mbaza 
Sisitemu ya Mbaza igamije gufasha abaturage kugeza ibibazo byabo ku buyobozi batiriwe bakora ingendo ndende. Abaturage bazajya bifashisha ikoranabuhanga mu gutanga ibibazo no gusaba ibisobanuro, bityo bikorohereza ubuyobozi kubyakira no kubikemura mu buryo bwihuse.

3. Abitabiriye n’Abahuguye 
Amahugurwa yayobowe n’abakozi bo muri MINALOC, aho basobanuriye abitabiriye uburyo sisitemu ikora, uko abaturage bazayifashisha, ndetse n’uko abayobozi b’inzego z’ibanze bazajya bayikoresha mu guhuza abaturage n’ubuyobozi. 
aya mahugurwa yari agamije  kongera ubushobozi bw’abakozi mu kwakira ibibazo by’abaturage no kubikemura mu buryo bunoze, binyuze mu gukoresha ikoranabuhanga rya Mbaza . Byitezwe kandi ko bizafasha mu kwimakaza imiyoborere ishingiye ku baturage, aho ijwi ryabo rizajya rihabwa agaciro kandi rikumvikana mu buryo bwihuse.