Umuganda Rusange usoza ukwezi kwa Kanama-2026 | Ubukangurambaga ku kwirinda ibinyobwa bitujuje ubuziranenge

Ku wa 29 Kanama 2026, mu Murenge wa Ruheru, Akagali ka Ruyenzi habereye umuganda rusange witabiriwe n’Umunyamabanga Nshingwabikorwa w’Intara, Védaste NSHIMIYIMANA, ari kumwe n’Umuvugizi wa Polisi mu Majyepfo, inzego z’umutekano ku Karere ndetse n’Umuyobozi w’Akarere.

Muri iki gikorwa, abaturage n’inzego z’ubuyobozi bafatanyije mu bikorwa by’iterambere, hanakorwa ubukangurambaga bugamije kwirinda ibinyobwa bitujuje ubuziranenge.

Umunyamabanga Nshingwabikorwa Védaste Nshimiyimana yasabye  abaturage gukomera ku amabwiriza agenga ikorwa ry’ibinyobwa gakondo, ndetse ko abahawe uburenganzira bwo gutegura ibiribwa n’ibinyobwa bakwiriye gukurikiza amategeko agenga imitegurire.

ibi biganiro byabaye urubuga rwo kwibutsa abaturage ko umuganda ari uburyo bwo kwifatanya mu bikorwa by’iterambere ariko ukaba n'urubuga rwo kwisuzuma ku ngingo zirebana n’ubuzima n’imibereho myiza.