Gahunda ya Nyamagabe GiraWigire, imaze imyaka ibiri ifasha abaturage kwivana mu bukene yabaye iyo kwigirwaho

Ku wa 23 Nyakanga 2026, Guverineri w’Intara y’Amajyepfo Kayitesi Alice, ari kumwe n’Abayobozi b’Uturere, Abanyamabanga Nshingwabikorwa b’Uturere ndetse n’Abayobozi b’Amahuriro y’Abafatanyabikorwa mu Iterambere ry’Uturere, bitabiriye gahunda yo kwigiranaho ku buryo bwo kuvana abaturage mu bukene yabereye mu Karere ka Nyamagabe.

Umuyobozi w’Akarere ka Nyamagabe, Niyomwungeri Hildebrand, yasobanuye urugendo rwa gahunda ya Nyamagabe GiraWigire, imaze imyaka ibiri ifasha abaturage kwivana mu bukene ku bufatanye n’umushinga BRAC-UPGI. Yagaragaje ko iyi gahunda yubatse uburyo bwizewe bwo gufasha abaturage guhindura imibereho, binyuze mu mikoranire y’akarere n’abafatanyabikorwa, ndetse no mu kugenera ingengo y’imari buri unit mu karere.

Mu ijambo rye, Guverineri Kayitesi Alice yasabye abayobozi b’utundi turere kwigira kuri gahunda ya Nyamagabe GiraWigire, kuko yagaragaje ko ishyizwe mu bikorwa neza, ishobora gufasha abaturage b’Intara yose kwivana mu bukene. Yashimangiye ko imbaraga zigaragazwa na Nyamagabe mu guhanga uburyo bushya bwo gukura abaturage mu bukene no kubakurikirana ari urugero rwiza rw’ubuyobozi bufatanya n’abaturage mu kubaka iterambere rirambye.

Iyi gahunda yagaragaje ko ubufatanye hagati y’inzego z’ubuyobozi n’abafatanyabikorwa ari ingenzi mu guhangana n’ibibazo by’ubukene, no gushyiraho uburyo burambye bwo guteza imbere imibereho y’abaturage.

Umuyobozi w'akarere ka Nyamagabe NIYOMWUNGERI Hildebrand