Guverineri Kayitesi Alice yafunguye ku mugaragaro Imurikagurisha ry’Intara y’Amajyepfo

Ku wa 20 Nyakanga 2026, Guverineri w’Intara y’Amajyepfo Kayitesi Alice, ari kumwe n’ubuyobozi bw’Uturere tugize Intara ndetse n’ubuyobozi bwa PSF Rwanda, yafunguye ku mugaragaro Imurikagurisha ryateguwe na PSF mu Ntara y’Amajyepfo.

Iri murikagurisha ribera muri Gare ya Huye ryatangiye ku wa 15 Nyakanga 2026 rikazasoza ku wa 28 Nyakanga 2026. Mu ijambo rye, Guverineri Kayitesi Alice yasabye abaturage b’Intara y’Amajyepfo ndetse n’abahagenda bose kwitabira iri murikagurisha kugira ngo barebe ibikorwa bitandukanye byahurijwe hamwe ndetse banagure ibicuruzwa byiza byahateguwe.

Iri murikagurisha ryitabiriwe n’abikorera bo mu Ntara y’Amajyepfo ndetse n’abandi baturutse mu gihugu hose. Ryabaye urubuga rwo kumurika ibikorwa by’ubucuruzi, guhuza abashoramari n’abaguzi, no guteza imbere ubukungu bushingiye ku bufatanye hagati y’abikorera n’abaturage.

Guverineri yashimangiye ko imurikagurisha nk’iri ari amahirwe akomeye yo kwerekana udushya, guteza imbere inganda z’imbere mu gihugu, no gushyigikira gahunda z’iterambere ry’igihugu.