Gisagara District | Gusoza Gahunda y’Imari Idaheza Abari n’Abategarugori

Ku wa 03 Nzeri 2026, mu Karere ka Gisagara habereye igikorwa cyo gusoza ku mugaragaro Gahunda y’Imari Idaheza Abari n’Abategarugori (Gender Inclusive Finance Policy Initiative). Iyi gahunda yashyizwe mu bikorwa hifashishijwe uburyo bwa “Gendana Konti” ndetse na “Gira Agatubutse”, ku bufatanye na Banki Nkuru y’u Rwanda (BNR).

Iki gikorwa cyitabiriwe n’Es w’Intara, NSHIMIYIMANA Védaste, hamwe n’Executive Director wa BNR ndetse n’Umuyobozi w’Akarere ka Gisagara. Mu butumwa bwatanzwe, abayobozi bashimangiye ko iyi gahunda igamije gufasha abagore kwinjira mu bikorwa by’imari, kubakangurira kwizigamira, gukoresha uburyo bwo kohererezanya amafaranga hakoreshejwe MoMo, no gukorana n’ibigo by’imari mu rwego rwo kwihutisha iterambere ry’ubukungu bwabo.

Abitabiriye igikorwa bashimangiye ko gahunda nk’izi zifasha mu guteza imbere uburinganire mu by’imari, bikongera ubushobozi bw’abagore mu kwiteza imbere no kugira uruhare rufatika mu mibereho myiza y’imiryango yabo