Urashaka kubona ibyangombwa by’inzira bikujyana mu mahanga ? Reba hano usobanukirwe ibikenewe

Ibiro by’abinjira n’abasohoka bifite inshingano yo kwakira neza ababigana, bakabona serivisi nziza, zihuse kandi zibanogeye. Ni muri urwo rwego tubagezaho ibyangombwa bibafasha kujya mu mahanga, tunaha amakarita abanyamahanga batuye, bafite visa ibemerera kuba mu Rwanda.

Ibyangombwa dutanga ni ibi bikurikira :

1. Laissez-passer (LP)

a) Ibisabwa ku muntu mukuru

 Icyemezo cyo mu mudugudu gisinyweho n’ushinzwe umutekano n’umuyobozi w’umudugudu hamwe n’umuhuzabikorwa w’akagari
 Icyemezo cyo ku murenge usaba abarizwamo, cyasinywe ho n’umunyamabanga nshingwabikorwa w’umurenge.
 Fotokopi y’indangamuntu igaragaza amatariki yatangiyeweho. Izo guhera mu 1996 kugeza 2000, nizo zifite ireme kuruta.
 Iyo amatariki yasibitse ajya ku murenge yakiyeho indangamuntu, Akaka fishi yayo, akayifotoza, fotokopi ikajya muri dosiye.
 Ibaruwa isaba L.P yandikiwe ushinzwe abinjira n’abasohoka
 Kwishyura amafaranga 3000 kuri konti y’ibiro by’abinjira n’abasohoka
 Kitansi yatanzwe na RRA, nyuma yo gutanga urupapuro rwa rwishyuriweho amafaranga
 Amafoto abiri ya pasiporo igaragaza amatwi yombi
 Ifite igihe kingana n’umwaka

Icyitonderwa:

 Iyo LP yarangiye, ntabwo yongererwa igihe, habaho gusaba bundi bushya
 Nta muntu usabira undi Laissez-passer keretse iyo usabirwa arwaye bimaze kugaragazwa n’umusabira, cyangwa umwana usabirwa n’ababyeyi.
 Laissez passer iboneka nyuma y’umunsi umwe.

b) Ibisabwa ku mwana uri munsi y’imyaka 14

 Icyemezo cy’amavuko
 Ibaruwa yanditswe n’umwe mu babyeyi be mu mazina ye, isabira umwana, kandi yasinyweho n’ababyeyi be bombi.
 Fotokopi z’indangamuntu z’ababyeyi bombi, imwe mu z’ababyeyi igomba kuba yanditsemo amazina y’umwana
 Iyo umwe mu babyeyi yitabye Imana, hasabwa icyemezo gitangirwa ku murenge cyemeza ko atakiriho
 Iyo umubyeyi w’umwana yamubyaye atarasezeranye, ashyiraho icyemezo gitangirwa ku murenge cy’uko ari ingaragu
 Iyo batandukanye umubyeyi wamweguriwe n’urukiko, ashyiraho icyemezo cy’ubutane
 Ababyeyi bombi iyo bariho, bazana n’umwana bamuherekeje
 Ibindi bisabwa ni nk’iby’umuntu mukuru.

2. CEPGL

 Ihabwa umunyamahanga ufite visa yo gutura mu Rwanda mu turere dukoreramo.
 Fotokopi ya Pasiporo igaragaza imyirondoro ye na visa, niyo ifatwa nk’indangamuntu.
 Ibindi by’impapuro zisabwa n’uburyo bwo kwishyura ni nka Laissez passer
 Yishyurwa frw 5.000
 Ifite igihe kimara amezi atandatu
 Ibindi bijyanye n’ibisabwa n’uburyo bwo kwishyura ni nka Laissez passer.

3. Pasiporo isanzwe

Ibyemezo, impapuro, n’uburyo bwo kwishyura bisabwa kuri Laissez passer ni nako biri kuri Pasiporo.

 Amafoto abiri, imwe ijya kuri dosiye yuzuzwa n’ijya kuri fotokopi yayo, agomba kuba ari mu mabara (en couleur) kandi afotoreye kw’ibara ry’umweru (fond blanc).
 Pasiporo iboneka nyuma y’iminsi cumi n’itanu .
 Dosiye zihutirwa ku basaba, nyirubwite agomba kuba ari umukozi wa reta ugiye mu butumwa bw’akazi , kandi afite urwandiko rw’ubutumwa, ashobora kuba ari umunyeshuri ufite bourse ya Reta ugiye kwiga mu mahanga cyangwa umurwayi ufite uburenganzira bwa muganga wemewe na Reta rumwohereza kwivuriza mu mahanga.
 Yishyurwa frw 50.000, ukazana kitansi nk’uko bigenda kuri Laissez passer.

4. Ikarita ihabwa abanyamahanga

 Umunyamahanga uje gutura mu turere dukoreramo, afite viza y’u Rwanda, agomba kuza kwiyandikisha ku biro by’ushinzwe abinjira n’abasohoka mu gihe kitarenze ukwezi, akimara kubona viza.
 Ajyana fotokopi ya pasiporo ye uruhande rurimo imyirondoro ye na visa ,agashyiraho na kitansi ya RRA igurwa 5000 frw.
 Amafoto abiri imwe ijya ku fishi, indi ku karita
 Ahabwa ifishi yo kuzuza, maze akandikwa mu gitabo cyabigenewe agahabwa ikarita
 Ku ikarita, handikwaho itariki viza izarangiriraho
 Iyo yatse indi viza, ku ikarita ye hongerwaho itariki na none iyo viza izarangiriraho
 Iyo yimukiye mu karere gatandukanye n’ako yafatiyemo ikarita, abimenyesha ushinzwe abinjira n’abasohoka kugira ngo byandikwe mu gitabo cyabigenewe, maze n’ikarita ye ikajyaho itariki agendeyeho.
 Iyo ageze mu karere gashya, yihutira ku jya ku biro by’abinjira n’abasohoka byaho, bakamwandikira ko ahaje.

Uwo wabaza muri Huye-Gisagara

Vincent Rwamwaga
Ibiro: (+250) 530250
Mobile:(+250) 08450418